ARDNŞ Azərbaycan Respublikası ali təhsil müəssisələrinin tələbələrinə ARDNŞ təqaüdünün verilməsi üzrə növbəti müsabiqə elan etmişdir

Azərbaycan Respublikasının Prezidenti İlham Əliyev cənablarının tapşırıq və tövsiyyələrinə uyğun olaraq perspektivli gənc neftçi mütəxəssislərin hazırlanması, tələbələrin neft-qaz sənayesi sahəsində müasir elmi və təcrübi biliklərə yiyələnməyə həvəsləndirilməsi məqsədi ilə ARDNŞ-də həyata keçirilən Təqaüd Proqramı davam edir. ARDNŞ bu proqram çərçivəsində ölkəmizin ali təhsil müəssisələrinin tələbələrinə təqaüd verilməsi üzrə növbəti müsabiqə elan etmişdir. Müsabiqə 2009-cu ilin iyul ayı – 2010-cu il yanvar ayları üzrə dövrü əhatə edir. Müsabiqədə müəyyən edilmiş ixtisaslar üzrə bütün təhsil dövründə yalnız “yaxşı” və “əla” qiymətlərlə oxuyan tələbələr iştirak edə bilərlər. Qeyd edək ki, təqaüdün aylıq məbləği 70 manatdır. Müsabiqənin şərtlərilə www.socar.az/tehsil.html internet səhifəsində tanış olmaq mümkündür. Müsabiqəyə müraciət həmin internet saytı vasitəsi ilə həyata keçirilir.Ilk dəfə olaraq müsabiqəyə ərizə qəbulu online rejimdə həyata keçirilir. Sənədlər 8-26 iyul 2009-cu il tarixində təqdim oluna bilər. Xatırladaq ki, bir müddət əvvəl 2008-2009-cu tədris ilinin I semestrinin nəticələrinə görə 131 tələbə ARDNŞ təqaüdünə layiq görülmüşdür. Ekspertlərin rəylərinə əsasən, Proqramın həyata keçirilməsi neft-qaz sənayesinə aid ixtisaslara qəbul üçün sənəd verənlər arasında yüksək hazırlıqlı abituriyentlərin xüsusi çəkisini yüksətlmiş, tələbələrin elmi-praktiki biliklərə marağını artırır.

 ARDNŞ Təqaüd Proqramı 2010-2011-ci illərdə xaricdə magistr təhsili almaq istəyənlər üçün sənəd qəbulu elan edib

Azərbaycan Respublikasının Prezidenti cənab İlham Əliyevin tapşırığına əsasən, 2006-cı ildən Dövlət Neft Şirkətində Təqaüd Proqramı işlənib hazırlanmışdır və bu proqram uğurla həyata keçirilməkdədir. Proqram çərçivəsində hər il onlarla gənc dünyanın aparıcı universitetlərində ali təhsillərini davam etdirir. ARDNŞ Təqaüd Proqramı üzrə 2010-2011-ci tədris ilində xaricdə magistr təhsili almaq istəyənlər üçün sənəd qəbulu elan edib. Elanın şərtlərinə əsasən, Təqaüd Proqramında iştirak etmək istəyən iddiaçı Azərbaycan Respublikasının vətəndaşı olmalı və yaşı isə 30-dan yuxarı olmamalıdır. İddiaçı TQDK-nın xətti ilə keçirilən test imtahanından mühəndis ixtisasları üzrə ən azı 100 bal, digər ixtisaslar (iqtisadçı, maliyyəçi, hüquqşünas və s.) üzrə isə ən azı 110 bal toplamalı, xarici dil imtahanlarının (İBT TOEFL üzrə minimal bal 70, İELTS üzrə minimum 6 bal və ya DSH-2) verilməsi barədə sertifikatlar təqdim etməlidirlər. İddiaçı ərizə-anket formasını http://www.socar.az/tehsil.html internet səhifəsindən yükləməli, doldurulmuş ərizə-anket və tələb olunan sənədlərin surəti ARDNŞ-nin qəbul otağına təqdim edilməli və ya elektron poçtla khs@socar.az ünvanına, yaxud aşağıdakı ünvana poçt vasitəsi ilə göndərilməlidir: Bakı, AZ 1000, neftçilər prospekti 73. ARDNŞ-nin Kadrların hazırlanması şöbəsi. Sənədlərin təqdim edilməsi üçün son müddət 30 sentyabr 2009-cu ildir. İddiaçılar tərəfindən təqdim olunan sənədlər nəzərdən keçirildikdən sonra seçilmiş namizədlər yekun seçim üçün oktyabr-noyabr aylarında ARDNŞ-ə müsahibəyə dəvət ediləcəklər.

                            əlavə məlumat almaq üçün http://www.socar.az/tehsil.html